السلام عليكم ورحمة الله وبركاته
نصائح عشرة لكل عضو عاوز يتميز بسرعة
في حرق الدم وارتفاع الضغط ولما حد يشوف اسمه يبدأ بالدعاء
1- في اول مشاركاتك .. تعرف الاعضاء بنفسك بطريقة غريبة ..
يعني تكتب نكتة بايخة أو كلمة تافهة وهكذا
2- تكتب مواضيع مختصرة جدا يعني من كلمة الي خمس كلمات
وأوعي تزود عن كده
3- أي قسم يقابلك تنزل فيه الموضوع علطوووول ... ومايهمكش القسم مناسب ولا لاء
طبعا
4- ما تشغلش بالك بقراءة ردود الاصدقاء علي موضوعك ..
ولا سمح الله لو حبيت تقرأ الردود اوعي تعبر اي حد بأي كلمة ولا حتي تعمل اعجاب
5- اوعي تشغل بالك بتنبيهات المشرفين بإختيار القسم المناسب والاحسن انك تعمل موضوع مشابه وتنزله في نفس القسم الغير مناسب ولو في نفس اليوم يبقي افضل
6- اوعي تفكر تدخل تقرأ اي موضوع لأي حد ولو نسيت ودخلت وقريت موضوع
حسك عينك ترد عليه
7- لا قدر الله لو كتبت موضوع طويل شوية اياك تنسقه او تهتم بمظهره
ودي طريقة فعاله للإرتفاع التدريجي في ضغط الدم والاصابة بالتشنجات
8- لو حسيت انك عاوز ترد علي موضوع لو عاوز ترفع ضغط صاحبه اكتب رد بكلمة واحده مالهاش علاقة بالموضوع .. اما لو كنت عاوز تحرق دمه فتعمل رد تاني بنفس الكلمة وأهو تبقي رديت مرتين
9- اوعي تفكر ابدا تقرأ قوانين اي قسم ... محتمل تكون مكهربا
10- خلي دايما شاعرك ، احرق دم من تريد فدائما هناك المزيد
لو نفذت النصائح دي تأكد ان اي حد هيشوف إسمك هيعرفك وبسرعة هيدعي ويقول
حسبي الله ونعم الوكيل
الرئيسية 
