عن البشر الفيسبوكيين نتحدث !!
**********************
(1)
_ألو أيوه يالجنه أنزلى بمبرر لتراجع النائب العام فى كلامه
_ بس ياحضرت القائد أنا كنت لسه لحد الفجر عمالى أنشر فى صور وأبرر ومعداش كام ساعه
_ من أمته يالجنه بتناقشنى فى الاوامر؟!!
_ أسف سعادتك تحب أكتب المبرررات أيه المره دى
_أكتبلهم أن نظرا لكرم وعطف وقلب النائب العام الحنين قرر يلغى القرار حرصاً على أسرة المستشار
_علم وجارى التنفيذ !!
(2)
للأسف ده بقه حالنا وده يقع تحت وصف واحد ملوش تانى (بلوظه)،فى أى دوله محترمه ممكن ده ميحصلش بس سنين من الفقر والجهل وقلة المعرفة يخلى أى شئ يحصل،هنا الموضوع بقه مصلحه وممكن يكون ناتج عن أقتناع مع مصلحه وبعيداً عن أن اللجان الألكترونيه ديه بقت شغلانه متعارف عليها فى الوسط الشبابى وبتجيب فلوس كويسه_فيه أدله ع الكلام ده_ إلا أن الفيس بوك بقه من مصادر التشوه الفكرى اللى بيغذى الالاف من الشباب ،مننساش أن الطبقه المتحصنه بوعاء فكرى تكاد تكون قليله إلا أن ده ميخليش أى حد يصدق أى حاجه لمجرد أن شخص أو صفحه معينه نشرتها،والسؤال اللى بيطرح نفسه بقوه أمته مستخدم الفيس بوك هيستخدم عقله بشكل محايد علشان يحكم على قضيه معينه ؟!!
(3)
ستظل مشكلة جميع الحضارات فى العالم المعلومات ،وأن لم تؤمن بعد بأهميتها وتتعامل معها بأستخفاف ولم تزل تشارك الجميع المزيد من اللاشئ فأطمئن بشده على مستقبلنا جميعاً لأننا لن نصل إلى أى شئ سوى حائط لا نستطيع تحطيمه،عزيزى صاحب النوعيه الجديده من العمل _لجنة ألكترونيه_ لعلك تربح المزيد والمزيد من الأموال والشهره على الفيس بوك ولكنك تشوه حقائق لا أول لها من أخر،أن لم تكن تعتقد بأنك أصبحت مسؤول بشكل أو بأخر عن مستقبل هذا البلد بأعمالك السوده فأنت ستصل بنا إلى نفس الحائط ولن نصل إلى شئ !!
(4)
عم جاهين وهو بيشرب شاى معايا الصبح كان بيحب دايما يفكرنى وأنا بفتح الورد وهكتب قصه جديده بالكلمتين دول
"الكلمة ايد
الكلمة رجل
الكلمة باب
الكلمة لمبة كهربية فى الضباب
الكلمة كوبرى صلب فوق بحر العباب
الجن ياأحباب مايقدر يهدمه
فاتكلموا"
(5)
فى النهايه أحب أقولك لو كنت لجنه أو لو كنت شاب ساذج متصدقش كل اللى بيتقالك وحاول تستخدم التكنولوجيا صح عشان ميبقاش مستقبلنا مجرد حارة سد !!
الرئيسية 
